" هانی خان ننه م ؟ "
... سوروشــــــــــــــدوم !!!
دئدیلرکی : خــــــــان ننه نی
آپــاریــــــبلا کـــــــــــــربلایه ...!
کی شفاسین اوردان آلسین !!!
سفری اوزون سفردیــــــــــر !
بیر ایکی ایل چــــکر گلینجه !
نئجه آغلارام ، یانیــــــــخلی ...
نئچه گون ائله چیغیــــــردیم
که سسیم سینم ، توتولدی !
او ، من اولمـــاسام یانیندا
أوزی هئچ یئره گئدنمـــــــز !
بو سفر نولــوبدی ، منسیز
أوزی ، تک قویوب گئدیبدی ؟!!!
........
هامیدان آجیـــــخ ائدرکن
هامییـــا آجیخلی باخدیم
سونرا باشلادیم که : منده
گئدیرم اونون دالینجـــــــا !
دئدیلر : سنین کی تئزدیر
امامیـــــــن مزاری اوسته
اوشـــاقی آپارماق اولماز !
سن اوخی، قرآنی تئز چیخ
سن اونی چیخینجا بلکه
گله خـــــان ننه سفردن !!!
......
تله سیک راوانلامـــــاقدا
اوخویوب قرآنی چیخدیم
کی یازیم سنه : گل ایندی
داها چیخمیشـام قرآنی !
مـــنه سـؤقت آل گلنده
آمما هر کاغـــــاز یازاندا
آقــــامین گؤزی دولاردی
سنده کی گلیب چیخمادن !
نئچه ایل بو انتظـــــــارلا ...
گونی ، هفته نی سایاردیم !
تا یاواش یاواش گؤز آچدیم ...!
آنلادیم کی ، سن أولوبسن !
......
بیله بیـــــــــلمیه هنوزدا
اوره کیمده بیر ایتیک وار !
گؤزوم آختـــارار همیشه
نه یـــاماندی بو ایتیک لر
.....
خان ننه جانیم ، نولیدی
سنی بیرده من تاپایدیم !
او آیاقلار اوسته ، بیرده
دؤشه نیب بیر آغلایایدیم
قولی حلقه سالمیش ایپ تک ...!
او آیــــــاغی باغلیـایدیم
که داهـــــا گئدنمیه ایدین ...!!!
.....
گئجه لر یاتاندا ، سن ده
منی قوینـــــــووا آلاردین
نئجه بـــاغریوا باساردین !!!
قولون اوسته گاه سالاردین
آجی دنیــــــا نی آتارکن ...!
ایکیمیز شیرین یاتاردیق
یوخودا (لولئی) آتارکن
سنی من بلشدیرردیم
گئجه لی ، سو قیزدیراردین
أوزیوی تمیــــزلیه ردین
گئنه ده منی أوپردیــن !
هئچ منه آجیخلامازدین !!!
ساواشان منه کیم اولسون ؟!!!
سن منه هاوار دوراردین
منی ، سن آنام دؤینده
قاپیب آرادان چیخـاردین !
.......
ائله ایستیلیک او ایستک
داها کیمسه ده اولورمی ؟
اوره گیم دئییر کی : یوخ - یوخ
او ده رین صفالی ایستک
منیــــم او عزیزلیگیم تک
سنیله گئدیب ، توکندی !!!
......
خــان ننه، أوزون دیئیردین
که : سنه بهشت ده ، آلله
وئرجک نه ایستیورســـــن
بو سؤزون یادیندا قالسین
منه قولینی وئریـــب سن !
......
ائله بیر گـــــونوم اولورسا
بیلیسن نه ایسته رم من ؟
سؤزیمه درست قولاخ وئر :
(سن ایلن اوشاخلیق عهدین)
خان ننه آمـــان ، نولیدی ...
بیر اوشـاخلیغی تاپایدیم !
بیر ده من سنه چاتایدیم !
سنیلن قوجــاقلاشایدیم !
سنیلن بیر آغلاشـــایدیم !
یئنیدن اوشـــاق اولورکن
قوجــــــاغوندا بیر یاتایدیم !!!
ائلر بیر بهشت اولـــورسا ...!
داهــا من ئوز آللاهیمنان ...
باشقا بیر شئ ایستمزدیم !
نظرات شما عزیزان: